INDEPENDENSIA TIMOR LESTE vs UNTAS REFUGIADOS' 99


Iha fulan juillo loron 15 - 17, Uni Timor Aswa'in ( UNTAS ) ne'ebe hari husi Timor oan iha indonesia ne'ebe  rekonhese sira nia aan nudar sidadaun Indonesia antigu Timor - Timur ka warga negara Indonesia Ex- Timor-Timur hala'o sira nia Kongresso ba datoluk iha Kupang - Indonesia.

Iha kongressu ne'e mos maioria kongresista sira fo sira nia votus maioria ba Ex- xefe milisia Aitarak no ex vice Panglima Pro Integrasaun Eurico Guterres, sai nudar presidente ba organizasaun refere. Iha nia intervista Eurico Guterres kontinua la rekonhese independensia Timor Leste, ho rasaun katak onu halao prosesu referendum iha 99 ne la justu.

Iha parte seluk, komunidade Timor-oan ne'ebe mak hela nafatin agora iha Timor osidental hakarak halo rekonsiliasaun ho governu Timor Leste, atu nune'e sira bele fila mai sira nia rai moris fatin. Maibe, Presidente da Republika rasik hatete katak " Lakoi hamosu problema foun ba povu " no xefe estadu maior Maij. Gejen. Lere Anan Timur mos sublinha katak " Timor - Oan Pro indonesia Fila tenki hare konsikuensia" (http://timoragora.blogspot.com/2016/07/pro-otonomia-husu-rekonsiliasaun-pr.html / http://timoragora.blogspot.com/2016/07/lere-timoroan-pro-indonesia-fila-tenke.html).

Tamba ne'e, tempu ida agora ne'e araska tebes atu halo rekonsiliasaun se ita analiza statementu rua ne'e, no susar tebes ba sira ne'ebe la halo sala ka krime iha 1999 karik sira rasik mos hein deit mak rekonsiliasau ne'ebe bot sira husi UNTAS husu ba Governu no Estadu Timor Leste.